ԵԱՏՄ անդամ պետությունների տարածքում կիրականացվեն կաբոտաժային բեռնափոխադրումներ

ԵԱՏՄ անդամ պետությունների տարածքում կիրականացվեն կաբոտաժային բեռնափոխադրումներ

22.02.2017

Եվրասիական տնտեսական միության (ԵԱՏՄ) անդամ պետությունների տրանսպորտի բնագավառի լիազոր մարմինների ղեկավարների 6-րդ խորհրդակցությունն այս տարի անցկացվեց Հայաստանում: Փետրվարի 11-ին` աշխատանքային քննարկումից հետո, մասնակից նախարարները լրագրողների հետ ճեպազրույցի ընթացքում ներկայացրին խորհրդակցության ժամանակ քննարկված հարցերն ու ձեռք բերված պայմանավորվածությունները:


ԵՏՀ էներգետիկայի էներգետիկայի և ենթակառուցվածքների կոլեգիայի անդամ (նախարար) Ադամկուլ Ժունուսովը հանդիպումը շատ արդյունավետ գնահատեց: Նրա խոսքով` ձեռք բերվեցին պայմանավորվածություններ օրակարգի բոլոր հարցերի շուրջ: Մշակվեց «Ճանապարհային քարտեզի» պատրաստման աշխատանքի հայեցակարգը: Դրանով կզբաղվի աշխատանքային խումբը, որը կգլխավորեն անդամ երկրների փոխնախարարները: Այդպիսի մոտեցումը թույլ կտա միության տարածքում մինչև 2025 թվականը հանել տրանսպորտային բոլոր տեսակի փոխադրումների սահմանափակումները և արգելքները:


«Կգործարկվի տրանսպորտային ծառայությունների ընդհանուր շուկա: Դրանից ակնկալում ենք մեր երկրների տնտեսությունների որակական փոփոխություն և բնակչության կենսամակարդակի բարձրացում»,- նշեց Ադամկուլ Ժունուսովը:

ՀՀ տրանսպորտի, կապի և տեղեկատվական տեխնոլոգիաների նախարար Վահան Մարտիրոսյանը, շնորհակալություն հայտնելով խորհրդակցության մասնակիցներին, նշեց, որ ձեռք են բերվել մի շարք կարևոր համաձայնություններ, ստորագրվել են փաստաթղթեր, մասնավորապես, ԵԱՏՄ տարածքում ավտոմոբիլային կաբոտաժային փոխադրումներն ազատականացնելու շուրջ: «Սա նշանակում է, որ ԵԱՏՄ անդամ մի երկրի բեռնափոխադրող ընկերությունը կարող է միջազգային փոխադրումների ճանապարհին բեռներ փոխադրել մի կետից մյուսը միության անդամ մեկ այլ պետության տարածքում»,- պարզաբանեց Վահան Մարտիրոսյանը:


ՌԴ տրանսպորտի նախարար Մաքսիմ Սոկոլովն ընդգծեց, որ սա կնվազեցնի բեռնափոխադրման ծախսերը, ինչն էլ կհանգեցնի փոխադրվող ապրանքների գների նվազման:

Մ. Սոկոլովը նաև նշեց, որ կաբոտաժային բեռնափոխադրումների սահմանափակումներ կան ամբողջ աշխարհում: «Նույնիսկ Եվրոպական միությունում, որը բավական երկար ինտեգրման ճանապարհ է անցել, կաբոտաժային փոխադրումները շատ մտահոգիչ թեմա են, և հիմնականում երկրները դա թույլ չեն տալիս իրենց տարածքում: Մենք այս հարցի շուրջ կարողացանք փոխհամաձայնության գալ, իսկ դա նշանակում է, որ նպատակ ունենք խորացնելու տնտեսությունների ինտեգրումը տրանսպորտային ծառայությունների ոլորտում»,- ընդգծեց Մաքսիմ Սոկոլովը:


Ռուսաստանի տրանսպորտի նախարարի խոսքով` հաշվի առնելով Հայաստանի աշխարհագրական դիրքը և այն, որ ուղիղ տրանսպորտային կապեր (բացառությամբ օդային) չունի ԵԱՏՄ անդամ պետությունների հետ, իրենք հակված են համագործակցության տարբեր ձևաչափերի, այդ թվում՝ երրորդ երկրների հետ բանակցությունների, որպեսզի մեղմվեն Հայաստանի համար առկա տրանսպորտային անհարմարությունները:

Խորհրդակցության մասնակիցները անդրադարձել են նաև ԵԱՏՄ անդամ պետությունների մայրաքաղաքների միջև ուղիղ ավիաչվերթների անհրաժեշտությանը:

Այլ Նորություններ

Հայաստանն ու Թուրքիան աշխատում են երկաթուղային հաղորդակցության վերականգնման ուղղությամբ ...

2026-11-13

Ռուսաստանն ու Հայաստանը կգնահատեն Հայաստանի երկաթուղային ցանցի տարանցիկ ներուժը ...

2026-10-15

Թրամփի ուղիով երկաթուղին Հայաստանը Ռուսաստանի հետ կկապի Ադրբեջանի տարածքով ...

2026-08-26

Թուրքիան սկսել է վերականգնել դեպի Հայաստանի սահման տանող երկաթուղին ...

2026-07-29

Հայաստանը սահմանել է բեռնատար տրանսպորտի՝ սահմանային անցակետերով տեղաշարժի նոր կանոններ։ ...

2026-07-24

Իրանական ճգնաժամը և հայկական հնարավորությունը. Ինչպես են վերակառուցվում համաշխարհային մատակարարման շղթաները ...

2026-05-19

ԱՊՀ երկրներից և Վրաստանից ժամանած վարորդների Ռուսաստանում գտնվելու ժամկետը երկարաձգվել է մինչև տարեկան 180 օր։ ...

2026-04-29

Երևանը ակնկալում է, որ ԵԱՏՄշրջանակներում առևտուրը կաճի Բաքվի կողմից տարանցիկ սահմանափակումների վերացումից հետո ...

2026-03-27

Օվերչուկը հայտարարել էՄոսկվայի և Երևանի միջև Հայաստանի երկաթուղու 2 հատվածների վերականգնման վերաբերյալ առաջիկա բանակցությունների մասին։ ...

2026-02-12

Փետրվարից պարտադիր է դառնում ԵԱՏՄ տարածքում առանձին ապրանքների փոխադրման համար Նավիգացիոն կապարակնիքների կիրառումը ...

2025-12-25

Ռուսաստանը կարող է երկարաձգել իր տարածքում հայ վարորդների գտնվելու ժամկետը․ Հայաստանի էկոնոմիկայի նախարարություն ...

2025-10-21

Նոր մակարդակի լոգիստիկա. Arc տիեզերական բեռնատարն խոստանում է ցանկացած բեռ տեղափոխել օրբիտայից Երկրի ցանկացած կետին մեկ ժամից պակաս ...

2025-10-07
Яндекс.Метрика
Besucherzahler
счетчик посещений
contador de visitas счетчик посещений