Քննարկվել են միջազգային ավտոմոբիլային փոխադրումների բնագավառում համագործակցության մի շարք հարցեր
24.03.2017
ՀՀ տրանսպորտի, կապի և տեղեկատվական տեխնոլոգիաների նախարարության և ՌԴ տրանսպորտի նախարարության համապատասխան վարչության աշխատակիցների մասնակցությամբ մարտի 22-23-ը նախարարությունում տեղի ունեցան քննարկումներ միջազգային ավտոմոբիլային փոխադրումների բնագավառում համագործակցության վերաբերյալ։
Քննարկման հիմնական թեմաները առնչվում էին Հայաստանի և Ռուսաստանի միջև ավտոմոբիլային տրանսպորտով բեռնափոխադրումներին, երկու երկրների միջև կանոնավոր և ոչ կանոնավոր ուղևորափոխադրումներին, Հայաստանի և Ռուսաստանի միջև միջազգային ավտոմոբիլային հաղորդակցման վերաբերյալ միջկառավարական նոր համաձայնագրի նախագծին և այլն։
Հանդիպման ընթացքում կարևորվեց նաև երկու երկրների կառավարությունների միջև տրանսպորտի բնագավառում գործող առկա համաձայնագրում համագործակցության սկզբունքների և փոխգործակցության պայմանների փոփոխության անհրաժեշտությունը։
Քննարկումների արդյունքում երկու նախարարությունների տրանսպորտի վարչությունների ներկայացուցիչների կողմից ստորագրվեց բանակցությունների վերաբերյալ արձանագրություն։



.jpg)
