«Վերին Լարս» անցակետը կաթվածահար է, կուտակված մեքենաների թիվն աճում է
25.12.2017 աղբյուր : www.newsarmenia.am
«Վերին Լարս» անցակետում ռուսական կողմից կա կուտակված 282 տրանսպորտային միջոց, որից 247-ը բեռնատար, 32 մարդատար ավտոմեքենա եւ 3 ավտոբուս: Այս մասին տեղեկացնում է ՀՀ ԱԻՆ-ը՝ հղում կատարելով ՌԴ ԱԻՆ Հարավային Օսեթիայի ՃԿԿ-ից ստացված տեղեկատվությանը:
Միևնույն
ժամանակ Վրաստանի ՆԳՆ ԱԻ դեպարտամենտից ստացված տեղեկատվության համաձայն Ստեփանծմինդա-Լարս
ավտոճանապարհը, որը Հայաստանը Ռուսաստանին կապող միակ ցամաքային ճանապարհն է, առավոտյան
ժամը 09:00-ի դրությամբ շարունակում փակ մնալ
բոլոր տեսակի տրանսպորտային միջոցների համար:
Ընդ որում, Հայաստանի տարածքում նույնպես կան դժվարանցանելի ավտոճանապարհներ: Փակ է Սոտք-Քարվաճառ ավտոճանապարհը, իսկ Վարդենյաց լեռնանցքը դժվարանցանելի է: Սյունիքի մարզի «Մեղրու սար» կոչվող հատվածում բուք է, առկա են տեղումներ ձյան տեսքով:
Ելնելով անբարենպաստ եղանակային պայմաններից` ԱԻՆ-ը հորդորում է վարորդներին մարզեր երթեւեկել բացառապես ձմեռային անվադողերով։
.jpg)
