Փաթեթավորման հիմնական միավորը տարան է: Բեռների փոխադրման ժամանակ կիրառվում են տրանսպորտային տարաները: Սակայն փոխադրման պայմանագրի պայմաններով կարող է նախատեսվել, որ բեռները փոխադրման են ընդունվում սպառողական փաթեթավորմամբ:

Տարաների դասակարգումն իրականացվում է ըստ դրանց ձևերի: Բեռների փոխադրման ժամանակ կիրառվող տարաների առավել տարածված տեսակներն են արկղերը, տակառները, պարկերը, տուփերը, ապակե բալոնները, թոփերը, տոպրակները, վանդակները, պալլետները:

Փաթեթավորման տեսակը ամրագրվում է բեռների կոնկրետ տեսակների փոխադրման նորմատիվային-տեխնիկական փաստաթղթերում, որոնք կազմված են բեռների փոխադրման ընթացքում կիրառվող ստանդարտներից, տեխնիկական պայմաններից, բեռների փաթեթավորման պայմաններից:

Բեռնափոխադրող ընկերությունները չեն իրականացնում բեռների փաթեթավորում. դա բեռն ուղարկողի պարտականությունն է: Եթե կողմերի փոխհարաբերությունների միջև կնքվել է տրանսպորտային-խորհրդատվական ծառայությունների մատուցման պայմանագիր, ապա պայմանագրի պայմաններում կարող է ներառվել բեռների փաթեթավորման և փոխադրման համար նախապատրաստման աշխատանքների իրականացման պայման: